Qoraqalpoq tabiiy fanlar ilmiy-tadqiqot instituti 2012-yilda O‘zR FA Qoraqalpog‘iston bo‘limining Tabiiy fanlar kompleks instituti, Bioekologiya instituti va Orolbo‘yi ijtimoiy-iqtisodiy muammolari institutining birlashmasi negizida tashkil etilgan.

 

Qoraqalpog‘iston Respublikasining tabiiy, energetika, mineral-xomashyo, o‘simlik resurslarini izlab topish va ulardan oqilona foydalanish, mintaqa ekotizimlarining biologik xilma-xilligini, yaxlitligini saqlash muammosini va ularning holatini baholash mezonlarini, atrof-muhit holatini barqarorlashtirish va muhofaza qilish, mintaqa aholisining turmush sharoitlarini sog‘lomlashtirish muammolarini ishlab chiqish, ekologik jarayonlarni modellashtirish, ijtimoiy-iqtisodiy jarayonlarni tadqiq etish Institut ilmiy tadqiqotlarining asosiy yo‘nalishlari hisoblanadi.

Qayta tashkil etish va optimallashtirish natijasida institutda quyidagi ilmiy bo‘linmalar tashkil etildi:

Hayvonot dunyosi ekologiyasi laboratoriyasi;

O‘simlik dunyosi ekologiyasi laboratoriyasi;

Qattiq jismlar fizikasi laboratoriyasi;

Kimyo laboratoriyasi;

Geologiya laboratoriyasi;

Ijtimoiy-iqtisodiy jarayonlarni modellashtirish laboratoriyasi;

Ekologik jarayonlarni modellashtirish laboratoriyasi;

Botanika bog‘i.

Hozirgi vaqtda institutda 10 ta fundamental tadqiqot loyihasi, 1 ta amaliy loyiha doirasida ishlar bajarilmoqda.