Qaraqalpaqstan tábiat ilimleri ilimiy-izertlew institutı 2012-jılı ÓzR IA Qaraqalpaqstan bóliminiń Tábiyiy ilimler kompleksli institutı, Bioekologiya institutı hám Aralboyı sociallıq-ekonomikalıq mashqalalar institutınıń birlesiwi tiykarında shólkemlestirildi.
Qaraqalpaqstan Respublikasınıń tábiyǵıy, energetika, mineral-shiyki zat, ósimlik resursların izlew hám olardan aqılǵa uǵras paydalanıw, region ekosistemalarınıń biologiyalıq hár túrliligin, pútinligin saqlaw mashqalaların hám olardıń jaǵdayın bahalaw ólshemlerin, qorshaǵan ortalıqtıń jaǵdayın turaqlastırıw hám qorǵaw, region xalqınıń turmıs sharayatların salamatlandırıw mashqalaların islep shıǵıw, ekologiyalıq processlerdi modellestiriw, sociallıq-ekonomikalıq processlerdi izertlew institut ilimiy izertlewleriniń tiykarǵı baǵdarları bolıp esaplanadı.
Qayta qurıw hám optimallastırıw nátiyjesinde institutta tómendegi ilimiy bólimler shólkemlestirildi:
Haywanat dúnyası ekologiyası laboratoriyası;
Ósimlikler dúnyası ekologiyası laboratoriyası;
Qattı dene fizikası laboratoriyası;
Ximiya laboratoriyası;
Geologiya laboratoriyası;
Sociallıq-ekonomikalıq proceslerdi modellestiriw laboratoriyası;
Ekologiyalıq proceslerdi modellestiriw laboratoriyası;
Házirgi waqıtta institutta 10 fundamental izertlew joybarı, 1 ámeliy joybar sheńberinde jumıslar ámelge asırılmaqta.