“EVRAZIYA BIOLOGIYALÍQ KÓPTÚRLILIGIN SAQLAW:ZAMANAGÓY MASHQALALAR,SHESHIMLER HÁM PERSPEKTIVALAR”III XALÍQARALÍQ KONFERENSIYA
Qaraqalpaq tábiyat ilimleri ilim-izertlew institutı,Nókis qalası, Qaraqalpaqstan Respublikası
INFORMACIYALÍQ XATÍ
Húrmetli biolog ilimpazlar hám ekologlar! Sizlerdi 2025-jıl 16-18-oktyabr kúnleri Qaraqalpaq tábiyat ilimleri ilimizertlew institutında (Qaraqalpaqstan Respublikası, Ózbekstan) Ándijan
mámleketlik universiteti (Ózbekstan), Ege unıversıteti (Túrkiya) hám Baku mámleketlik universitetleri (Ázerbayjan) menen birgelikte ótkeriletuǵın “Evraziya biokóptúrliligin saqlaw: zamanagóy mashqalalar, sheshimler hám perspektivalar” atamasındaǵı III Xalıqaralıq konferenciyaǵa mirát etemiz. Konferenciyanıń maqseti Evraziyada biologiyalıq kóp túrlilikti saqlawdıń áhmietli mashqalaların, ósimlik hám haywanat dúnyasın qorǵaw, onnan turaqlı paydalanıw hám monitoring qılıwdıń tiykarların dodalawdan ibarat. Konferenciyaǵa maqalalar qaraqalpaq, ózbek, túrk, ázerbayjan, inglis hám rus tillerinde qabıl etiledi. Konferenciya materialları toplam kórinisinde basıp shıǵarıladı. Konferenciya toplamına kirgizilgen barlıq maqalalar “Google Scholar” maǵlıwmatlar bazasına kirgiziledi hám Ilimiy komitet tárepinen eń jaqsı dep tabılǵan maqalalar “ÓzRIAQQB Xabarshısı” hám Baku mámleketlik universitetiniń (Ázerbayjan) “Life Sciences & Biology” jurnallarınıń arnawlı sanlarında basıp shıǵarıladı (tańlap alınǵan maqalalar avtorǵa qayta redaktorlaw ushın jiberiliwi múmkin).
Konferenciya baǵdarları:
1- sekciya: Evraziyada genetikalıq biokóptúrliliktiń mashqalaları hám sheshimleri;
2- sekciya: Suw hám topıraq ekosistemalarınıń biomonitoringi hám olardı qorǵaw;
3- sekciya: Siyrek ushırasatuǵın ósimlik hám haywan túrlerin qorǵaw, olardı qayta tiklew;
4- sekciya: Evraziyada fotosintezlewshi organizmlerdiń saqlanıwı;
5- sekciya: Zamarıqlar hám olardıń simbioz joldaslarınıń Evraziyada saqlanıwı.
Konferenciya materiallarına qoyılatuǵın talaplar hám olardı
qabıllaw múddeti
Konferenciyada qatnasıw ushın shólkemlestiriw komitetiniń elektron pochta (karakalpaknaturalsciences@gmail.com) mánziline usı jıldıń 20-sentyabr kúnine shekem 1-qosımshada keltirilgen formanı toltırıp, maqalanı 2-qosımshaǵamuwapıq rásmiylestirilgen halda jiberiw soraladı. Jiberilgen fayl atın maqaladaǵı birinshi avtordıń familiyası latın háripleri menen sızıqsha arqalı hám sekciyanomeri jazıladı: (Jumabaev-2).Konferenciyaǵa usınılǵan materiallardıń mazmun-mánisi ushın avtorlar juwapker. Ilimiy komitet maqalalardı redaktorlaw huquqına iye. Konferenciyanıń
talaplarına juwap bermeytuǵın hám belgilengen múddetten kesh jiberilgen maqalalar biykar etiledi.
Konferenciya materialların rásmiylestiriw qaǵıydaları. Jiberilgen materiallar konferenciyanıń tiykarǵı tematikalıq baǵdarlarına sáykes keliwi kerek. Maqalalar tómendegi tártipte rásmiylestiriliwi zárúr:
1. Maqala atı (ortada, bas háriplerde, qalın shriftte);
2. Avtor (lar) dıń atı hám ákesiniń atı (bas háripleri), familiyası (tolıq), ortada,
kishi háriplerde, qalıń shriftte;
3. Shólkemniń tolıq atı, mámleket atı;
4. Tiyisli avtordıń e-mail mánzili;
5. Annotaciya (150 sózden aspawı shárt, tek inglis tilinde);
6. Gilt sózler (5 sóz bolıwı shárt, tek inglis tilinde);
7. Maqalanıń tiykarǵı teksti (2-5 bet);
8. Paydalanılǵan ádebiyatlar dizimi.
Maqala tekstin rásmiylestiriw qaǵıydaları. Tekst redaktorı – Microsoft Word; Format – doc (docx); Shrift ólshemi – 12; Shrift – Times New Roman; Qatarlar aralıǵı intervalı – 1; Abzac – 1,25 sm. Bet parametrleri: shepten 3,0 sm; onnan 2,0 sm; joqarıdan hám tómennen 2,5 sm. Tekst betleri nomerlenbeydi. Formula hám latinsha (túr, áwlad hám basqa) atamalar kursivte jazıladı. Grafikalıq materiallar (súwret, diagramma, sxema hám basqalar) joqarı sapalı bolıwı zárúr. Grafikalıq materiallar sanı 4 ten hám kesteler 3 ten aspawı usınıs etiledi. Maqala teksti 2-5 betke shekem bolıwı kerek. Ádebiyat dereklerine silteme ápiwayı qawsırma ishinde avtor hám basıp shıǵarılǵan jılı kórsetilgen halda jazıladı. Mısalı: bir avtor – (Temirbekov, 2018); eki avtor – (Esbergenov hám Qurbanbaev, 2012); ekewden artıq avtor -(Embergenov hám basqalar, 2020). Paydalanılǵan ádebiyatlar dizimi álipbe tártibinde maqala aqırında beriledi. Ádebiyatlar sanı 10 nan aspawı kerek.
Maqalanı basıp shıǵarıw ushın tólem bar. Avtorlar sanına qaramastan hár bir maqala ushın 20 AQSh dolları (20 AQSh dolları jiberilip atırǵan waqıtta Ózb.Res.Oraylıq bankiniń USD-UZS konvertaciyası boyınsha esaplanadı) tólem alınadı. Konferenciya materialları toplamınıń elektron variantı hám sertifikat (pdf) biypul usınıladı.
Maqala ushın tólemler tómendegi usıllar arqalı qabıl etiledi:
1. Western Union arqalı pul jiberiw ushın:
Mirzambetov Nurlibay (Tel.:+998934083690) Nókis, Qaraqalpaqstan Respublikası
2. Zolotaya Korona (KoronaPay) arqalı pul jiberiw ushın:
Mirzambetov Nurlibay (Tel.:+998934083690) Nókis, Qaraqalpaqstan Respublikası
3. Viza karta arqalı pul qabıllaw ushın:
4195 2500 4021 7612 (Nargiza Abdinasirova)
4. UzCard yamasa Humo kartaları arqalı pul qabıl etiw ushın (júkletiw waqtında
ÓzbRes Oraylıq bankiniń USD-UZS konvertaciyası boyınsha esaplanadı):
5614 6812 5541 3183 (Mirzambetov Nurlibay Aybergenovich)
Shólkemlestiriw komiteti mánzili:
Mánzil: 230100, Qaraqalpaqstan Respublikası, Nókis qalası, Berdakh kóshesi 41-jay. Qaraqalpaq tábiyat ilimleri ilimiy-izertlew institutı.
Temirbekov Rametulla (+998913040874; @ramet_1974)–qaraqalpaq tilinde
materiallardı qabıllaw hám múrájatlar ushın;
Nurlibay Mirzambetov (+99893 4083690; @nurlibay_mirzambetov) –ózbek
tilinde materiallardı qabıllaw hám múrájatlar ushın;
Madiyar Utebaev (+99899 049-87-26; @Madyar0077) –inglis tilindegi
materiallardı qabıllaw hám múrájatlar ushın
Kulshat Dawilbaeva (+99891 927-20-40; @kulshat0891) – rus tilindegi
materiallardı qabıllaw hám múrájatlar ushın;
E-mail: karakalpaknaturalsciences@gmail.com
Veb adress: www.iceb.ege.edu.tr