Opaev Baymurat Abdreshitovich

Maǵlıwmatı: joqarı, 2001–2005-jıllarda Ájiniyaz atındaǵı Nókis mámleketlik pedagogikalıq institutınıń bakalavriat, 2010–2012-jıllarda magistratura basqıshın tamamlaǵan.

Tayanısh doktorantura: Ózbekstan Respublikası Ilimler akademiyası Qaraqalpaqstan bólimi Qaraqalpaq gumanitar ilimler ilimiy-izertlew institutı, Nókis qalası, Ózbekstan, 2020–2023-jıllar.

Ilimiy dárejesi hám ataǵı: tariyx ilimleri boyınsha filosofiya doktorı (PhD), úlken ilimiy xızmetker

Ilimiy qızıǵıwshılıqlar sheńberi: Ilimiy jumısınıń tiykarǵı baǵdarı – mámleketimizdiń koloniallıq dáwiri tariyxın úyreniwden ibarat. Sonday-aq, Qaraqalpaqstan aymaǵında iskerlik kórsetken dástúriy sud sistemasınıń tariyxıy rawajlanıwı izertlemekte. Izertlew sheńberinde sud islerine baylanıslı jazba derekler – qazılıq hújjetleri kompleksli tallanadı. Bul hújjetler arab, parsı, eski ózbek hám eski qaraqalpaq tillerinde jazılǵan bolıp, olardı tariyxıy jaqtan úyreniw ayrıqsha áhmiyetke iye. Bul jazba dereklerdi tallaw koloniallıq dáwirdegi jergilikli basqarıw hám huqıqıy dástúrlerdiń ózine tán táreplerin anıqlaw imkaniyatın beredi. Bunnan tısqarı, izertlewde qazılıq hújjetleriniń lingvistikalıq ózgeshelikleri, olardıń tariyxıy konteksttegi ornı hám mazmunına baylanıslı maǵlıwmatlar sistemalastırıladı. Nátiyjede bul dereklerdiń ilimiy áhmiyeti hám tariyxıy qunı hár tárepleme ashıp beriledi.

e-mail: Opaevb@list.ru