Djumashev Asqar Mambetovich

Iyelep turǵan lawazımı: Ózbekstan Respublikası Ilimler akademiyası Qaraqalpaqstan bólimi Qaraqalpaq gumanitar ilimler ilimiy-izertlew institutı tariyx bólimi baslıǵı

Maǵlıwmatı: Joqarı, Nókis Mámleketlik universitetin tamamlaǵan, 1985-1991 j.j.

Aspirantura: Ózbekstan Respublikası Ilimler akademiyası Qaraqalpaqstan bólimi Tariyx, arxeologiya hám etnografiya institutı – 1991-1994-jıllar.

Doktorantura: Ózbekstan Respublikası Ilimler akademiyası Qaraqalpaqstan bólimi Tariyx, arxeologiya hám etnografiya institutı – 1999-2002-jıllar.

Ilimiy dárejesi hám ataǵı: Tariyx ilimleri doktorı (DSc), professor

Ilimiy qızıǵıwshılıq sheńberi: XX ásir Qaraqalpaq mámlekechiligi tariyxı, siyasiy elita, Sovet húkimetiniń repressiya siyasatı, kollektivlestiriw siyasatı, demografiya mashqalası. 1924-1941-jıllardaǵı Qaraqalpaqstan sociallıq-ekonomikalıq hám siyasiy tariyxı boyınsha qánigesi. Onıń izertlewleri Qaraqalpaqstan Respublikasında mámleketlik basqarıwdıń sovet sisteması, XIX ásirdiń aqırı – XX ásirdiń baslarında regiondaǵı tariyxıy processlerdi úyreniwge qaratılǵan.

Ilimiy tájiriybesi: 2003-2004 – DAAD (Germaniya) stipendiantı; 2005-2006-jılları – Gerda Xenkel qorı (Germaniya) stipendiantı; 2005-2007 – “From History to Histories: Teaching the Pastfrom a Local Perspective” jazǵı mektebi qatnasıwshısı (Sankt-Peterburg Evropa universiteti, Rossiya); 2006-2008 – “Oraylıq Aziya tariyxın qayta kórip shıǵıw” xalıqaralıq ilimiy-metodologiyalıq seminarınıń qatnasıwshısı. “Oqıw Orayı – Bilim – Oraylıq Aziya” Korporativ Fondı (Almatı, Qazaqstan) shólkemlestiriwshilerinen biri.

2009-2011-jıllar – Aleksandr fon Gumboldt atındaǵı qor (Berlin, Germaniya) stipendiyası iyesi, Gumboldt universiteti; 2010-jıl – “Oraylıq Aziyada sociallıq tariyxtıń rawajlanıwı” jazǵı mektebi (Almatı, Qazaqstan) qatnasıwshısı, “Turan” universiteti; 2016-jıl oktyabr-dekabr, 2019-jıl iyul-dekabr hám 2023-jıl sentyabr-noyabr aylarında – Aleksandr fon Gumboldt qorı sheńberinde ilimiy ámeliyatta bolǵan (Berlin, Germaniya), Gumboldt universiteti, Regensburg universitetiniń Batıs hám Qubla-batıs Evropa izertlew institutı.

Sonday-aq, A.Djumashev Gerda Xenkel fondı sheńberinde Rossiya (Moskva, Orenburg), Qazaqstan (Almatı, Qızılorda) hám Ózbekstan (Tashkent, Nókis) daǵı ilimiy-izertlew orayları, kitapxana hám arxivlerde izertlewler alıp bardı.

e-mail: djumashev@mail.ru