Qaraqalpaq tábiyat ilimler ilimiy-izertlew instituti Hayal-qızlar keńesi

2026-jıl 20-23-oktyabr künleri Belarusiyada (Minsk qalası) Belarus mámleketlik universitetinde Geografiya hám geoinformatika fakultetinde «XXI ásir geografiyası: teoriya, ámeliyat hám perspektivalar» Xalıqaralıq ilimiy konferenciyası bolıp ótti.Xalıqaralıq konferenciyanıń maqseti-zamanagóy gidroekologiyanıń rawajlanıwındaǵı rawajlanıwdıń áhmiyetli teoriyalıq hám ámeliy jetiskenliklerin, tábiyǵıy resurslardan, sonıń ishinde suw resurslarınan nátiyjeli paydalanıwdı, ekologiyalıq qáwipsizlikti saqlawǵa kómeklesiw, turistlik iskerlik tarawında innovatsiyalıq izertlewlerdi qollanıw tarawların anıqlaw, xalıqaralıq ekspertler menen tájiriyba almasıw hám jas izertlewshilerdiń ilimiy motivatsiyasın arttırıw.Xalıqaralıq ilimiy konferenciyasıda Qaraqalpaq tábiyat ilimler ilim-izertlew institutı direktorı, prof. Mambetullaeva S.M «Suw tapshılıǵı hám ishimlik suwdıń sapası Qubla Aral boyı xalqınıń meditsinalıq-ekologiyalıq hálsizligi faktorı sıpatında» temasında bayanat penen shıqtılar. Sonımen birge bakalavr studentleri ushın «Qubla Aral boyınıń ekologiyalıq maşqalaları» temasında ashıq lektsiya ótkerdi. İlaj barısında Geografiya hám geoinformatika fakultetiniń studentleri menen oqıtıwshıları ekologiyalıq transformatsiyalardı talqılaw hám tájiriyba almasıw múmkinshiligine iye boldı.